நாகர்கோவில் வடக்கு அருள்மிகு முருகையா தேவஸ்தானத்தின் 2வது வருஷாபிஷேக மணவாளக்கோல விழா எதிர்வரும் ஆவணி மாதம் 30ம் (15-09-2017) திகதி வெள்ளிக்கிழமை வெகு விமரிசையாக நடைபெறவுள்ளது என்பதை அடியார் பெருமக்களுக்கு அறியத்தருகின்றோம்.
அன்றைய தினம் பகல் நிகழ்வாக,சுமார் 10 மணியளவில், மூல மூர்த்தியான வள்ளி, தேவசேனா சமேத முருகையாவுக்கு நவோத்தர சகஸ்ர (1009) சங்காபிஷேகமும், ஏனைய பரிவார மூர்த்திகளுக்கு ஸ்நபனாபிஷேகமும் நடைபெற்று தொடர்ந்து விஷேட மங்கள வாத்தியங்கள் முழங்க சிறப்பு பூஜை ஆராதனைகள் நடைபெறும்.
சங்காபிஷேக கிரியைகள் யாவும் சிவாகம கிரியாரத்தினம் சிவஸ்ரீ கதிர் கிருஷ்ணேஸ்வரக் குருக்கள் ( ஆனைக்கோட்டை ஸ்ரீ மூத்த நயினார் ஆலயம்) அவர்களின் தலைமையில் நடைபெற ஏற்பாடாகியுள்ளது..
முக்கிய குறிப்பு
பொதுமக்கள் மனமுவந்து வழங்கிய நன்கொடைகள் மூலம் செய்யப்பட்ட புதிய வள்ளி தெய்வானை சமேத முருகையா எழுந்தருளி விக்கிரகத்திற்கு அன்றைய தினம் பிரதிஷ்டா கும்பாபிஷேகம் நடைபெறவுள்ளது என்பதையும் பக்த அடியார் பெருமக்களுக்கு மகிழ்வுடன் அறியத்தருகின்றோம்.
அதனைத் தொடர்ந்து ஆலய திருமடத்தில் அன்னதானம் இடம்பெறும்.
மாலை நிகழ்வாக சுமார் 5.30 மணியளவில் வசந்த மண்டபத்தில் வீற்றிருக்கும் வள்ளி தேவசேனா சமேத முருகையாவுக்கு விசேட பூஜை ஆராதனைகள் இடம்பெற்று, அதனைத் தொடர்ந்து தெய்வீகச் சொற்பொழிவு இடம்பெறும்.
தெய்வீகச் சொற்பொழிவு – விடயம் – “உதித்தனன் உலகம் உய்ய….”
வழங்குபவர் – செந்தமிழ் சொல்லருவி திரு.க.லலீசன் அவர்கள் (சிரேஷ்ட விரிவுரையாளர், ஆசிரியர் கலாசாலை – கோப்பாய்)
அதனையடுத்து சாவகச்சேரி காலஞ்சென்ற பிரபல நாதஸ்வர வித்துவான் பஞ்சாபிகேசன் அவர்களின் பேரப்பிள்ளைகளான சித்தார்த்தன் சகோதரர்கள் கோஷ்டியினர் வழங்கும் நாதஸ்வரக் கச்சேரி நடைபெறவுள்ளது.
அதனையடுத்து முன்னிரவு 9.30 மணியளவில் வசந்த மண்டபத்தில் அலங்கார ரூபமாக வீற்றிருக்கும் வள்ளி தெய்வானை சமேத முருகையா சுவாமி உள்வீதி உலா நடைபெற்று, தொடர்ந்து சுமார் 10.00 மணியளவில் மின்சார தீபங்களால் அலங்கரிக்கப் பெற்ற விசேட பூந்தண்டிகையில் வெளிவீதி உலாவரும் நிகழ்வு இடம்பெறவுள்ளது.
மெய்யடியார்கள் அனைவரும் அபிஷேகத்திற்குத் தேவையான பால், இளநீர், மற்றும் பூஜைக்குரிய பூக்கள் என்பவற்றுடன் வருகை தந்து எம்பெருமானைத் தரிசித்து தங்களின் தீய வினைகளைப் போக்கி சிறப்புடன் வாழ முருகையாவின் நல்லருளைப் பெற்றேகுமாறு வேண்டிக்கொள்கின்றோம்.
உபயங்களைப் பொறுப்பேற்றுள்ளவர்கள் விபரம்
01. நவோத்தர சகஸ்ர (1009) சங்காபிஷேகம் – உபயம் – பொது
02. விசேட மேளக்கச்சேரி – உபயம் – ஆ.அழகராசா குடும்பம் – லண்டன்
03. ஆலய அலங்காரம் – உபயம் – கண்ணையா – பாஸ்கரன் – சுவிஸ்
04. அன்னதானம் – உபயம். – சிவலிங்கம் – ஜெயக்குமார் குடும்பம் – சுவிஸ்.
05. விசேட சாத்துப்படி – உபயம் – திரு. ஏ.கணேசபிள்ளை குடும்பம் – நாகர்கோவில் கிழக்கு
06. பூந்தண்டிகை – உபயம் – திரு பா.அருள்தரன் குடும்பம் – சுவிஸ்
07. ஒலி, ஒளி அமைப்பு – காந்தி சவுண்ட் அன்ட் லைற் – குடத்தனை – உபயம் – ஆ.மயில்வாகனம் குடும்பம் – அவுஸ்திரேலியா
முருகையா அடியார்களே!
இந்நிகழ்வுகள் சிறப்பாக நடைபெறுவதற்கு உள்ளூர் மற்றும் வெளிநாட்டில் வாழும் எம்பெருமான் அடியார்கள் அனைவரும் தங்களாலியன்ற நிதி நன்கொடைகளை வழங்கி ஒத்துழைப்பு நல்குமாறு பணிவன்புடன் வேண்டிக்கொள்கிறோம்.
குறிப்பு
முருகையாவின் பெண் அடியார்கள் வீதி துப்புரவு பணியிலும் ஆண் அடியார்கள் சுவாமி காவுதல், தீபங்கள், பாத்திரங்கள், குடங்கள் விளக்குதல் போன்ற சரீரத் தொண்டுகளிலும் தவறாது பங்குபற்றி, ஒத்துழைப்பு நல்கி எம்பெருமானின் திருவருளைப் பெற்றுய்யுமாறு வேண்டிக்கொள்கின்றோம்.
இதுவரை நிதியுதவி வழங்கியோர் விபரம்
01. திரு ஆ.மயில்வாகனம் – அவுஸ்திரேலியா – 10,000 ரூபா
தொடர்புகளுக்கு
நா. குமரேசு – தலைவர் – தொ.இல. 0094 77 670 1175
வி. விக்கினேஸ்வரன் – உபதலைவர் – 0094 77 634 3649
சி. கலீபன் – செயலாளர் – 0094 76 765 9415
சி. சிவாயநம – பொருளாளர் – 0094 77 668 5054
ப. அருள்தாஸ் – உபசெயலாளர் – 0094 77 324 0457
சே. ரவிச்சந்திரன் – உறுப்பினர் – 0094 76 706 2123
ப. ஐங்கரன் – உறுப்பினர் – 0094 77 517 3572
இ. ரவிச்சந்திரன் – உறுப்பினர் – 0094 77 087 1465
ந. செல்வராசா – உறுப்பினர் – 0094 77 453 5592
ஆ.நவரத்தினசாமி – போஷகர் – 0094 77 354 8525
நிர்வாக சபையினர்
அருள்மிகு முருகையா தேவஸ்தானம்
நாகர்கோவில் வடக்கு